– Melder ungdomar for identitetssvindel
Holmatun AS kjem til å melda to ungdomar etter at ein av dei freista ta seg inn på utestaden med lånt identifikasjon Tyst pub & disko i helga.
Publisert
Sist oppdatert
Det opplyser selskapet til HF. Både eigaren av legitimasjonen og lånaren vert melde.
Selskapet ynskjer både å halda eigen sti rein og å statuera eit eksempel, slik at ungdomane forstår at identitetssvindel er alvorleg.
Annonse
Utestaden har ikkje avdekt liknande tilfelle tidlegare. Hendinga vart oppdaga takk vera årvakne vakter. I kaotiske situasjonar kan det vera krevjande å sikra god kontroll av legitimasjon, påpeikar ein av eigarane.
Strafferamma for å nytta falsk legitimasjon er bot eller fengsel i inntil to år. Å låna vekk legitimasjonen kan enda med bot eller fengsel i inntil seks månader. Straffa kjem på rullebladet og kan skapa vanskar for syndaren i enkelte yrke og studium, og kan dessutan gje deg problem med å skaffa visum, opplyser ung.no.
