Utval for samfunn, plan og næring var på synfaring ved Hardanger House og Akkjerhaugen 24. april, i samband med reguleringsplanen for bresenter og utviding av hotellet. Her er gjestene ved bautaen på Akkjerhaugen.

Meklingsmøte er datofesta

Sigbjørn Linga
Bladstyrar
Publisert Sist oppdatert

Statsforvaltar Liv Signe Navarsete, som kom åleine til Jondal for å få informasjon om utbyggingsplanane ved Hardanger House og Akkjerhaugen i juni, skal delta også i meklingsmøtet om saka 11. desember.

Meklinga er naudsynt av di Statsforvaltaren i Vestland og Vestland fylkeskommune har fremja motsegner i høyringa av planframlegget.

I alt vil sju representantar – tre frå fylkeskommunen og fire frå Statsforvaltaren – sitja på motsett side av bordet når representantane for Ullensvang tek plass i Bergen. Med seg har Navarsete mellom andre seksjonsleiar innan plan, Egil Hauge. Kommunen er beden om å opplysa om kven som kjem derfrå.

Kommunen, som vil få orientera kort om planen, er beden om å opplysa om eventuelle delar av planen som kan endrast for å oppnå semje.

utbygging ullensvang kommune statsforvaltaren i vestland politikk nyhende jondal hardanger house
Laga med Labrador CMS