Meiner Øysteseelva er meir verdfull enn tidlegare opplyst

I ei ny utgreiing frå Biofokus er det avdekt fem gonger fleire raudlisteartar i Øystesevassdraget enn det som kom fram i konseskvensutgreiingsrapportane.

Det opplyser Forum for natur og friluftsliv (FNF)  ei pressemelding.
Organisasjonen opplyser at det i tillegg er funne to svært viktige naturtypar med høg verdi, og at elva peikar seg ut som ei av dei viktigaste for sjeldsynte og truga mosar i regionen. Til dømes er den største førekomsten av tannkjølmose påvist i elva, ifølgje pressemeldinga.
Saka er til handsaming i Olje- og energidepartementet, som seier til bt.no at det ikkje ynskjer å kommentera dei nye opplysingane så lenge saka vert handsama.
 

Krev at det får følgjer

"Funn av mange flere rødlistearter og sjeldne naturtyper må få konsekvenser for behandlingen i OED, som nå skal avgjøre de to konsesjonssøknadene. Vi mener naturverdiene er så store at OED må avslå søknadene og at hele Øystesevassdraget må vernes, slik NVE innstilte på i 2006. Heldigvis har vi nå fått fram denne verdifulle kunnskapen om området slik at OED kan fatte et vedtak basert på ny kunnskap om naturverdiene i Øystesevassdraget", seier Helene Ødven, leiar for Bergen og Hordaland Turlag; Nils Tore Skogland, leiar i Naturvernforbundet Hordaland,og Alv Arne Lyse, fylkessekretær i Noregs jeger- og fiskerforbund Hordaland.
Dei tre nemnde organisasjonane har finansert det nye arbeidet gjennom FNF.