Medisinforskar til Kabuso
Professor i farmakognosi ved Universitetet i Bergen, Torgils Fossen, kjem til Kabuso 31. oktober.
Publisert
Han skal halda føredrag om pandemiar, i samband med at det er vel hundre år sidan spanskesjuka. Det opplyser arrangør Kvam Senioruniversitet i ei pressemelding.
Farmakognosi er læra om naturstoff og naturprodukt som vert brukte som lækjemiddel eller ved framstilling av lækjemiddel. Influensapandemien spanskesjuka tok i perioden 1918–1922 livet av mellom 50 og 100 millionar menneske.
Annonse
Fossen har ein doktorgrad i naturstoffkjemi og forskar på pandemiske virus. Ein annan viktig del av forskingsfeltet hans er «å oppdaga nye biologisk aktive naturstoff med potensial som aktive prinsipp i framtidige lækjemiddel», som han skriv i pressemeldinga.
