Massevigsling på Trolltunga

Fredag formiddag vart 13 brudepar vigd på to timar på den populære turistattraksjonen Trolltunga i Hardanger.

I 2021 vart det for første gong arrangert vigslingar på Trolltunga, og dei fire første par i verda gifta seg på klippen. Fredag var det heile 13 par som hadde valt å leggje vigslinga si til fjellheimen. For å komme til Trolltunga måtte para gå ein tur på to mil tur-retur, skriv NRK.

Para vart vigde av ordførar Roald Aga Haug i Ullensvang kommune, som tok helikopter til utsiktspunktet i staden for å gå. Han har tru på fleire klippebryllaup i framtida.

– Viss vi hadde annonsert dette veldig godt «worldwide», så ville trykt vorte mykje større. Kanskje det kan bli gedigne bryllaup her framover, seier Aga Haug.

Ordføraren håpar at fleire har lyst til å gifte seg der framover. Sjølv er han klar for fleire vigslingar på Trolltunga i åra som kjem.

(©NPK)