Mange tips om ulovleg snøskuterkøyring
Statens naturoppsyn får inn rekordmange tips om villmannskøyring med snøskuter.
– Det kjem mange tips om antatt ulovleg køyring, og vi registrerer òg sjølv mykje spor etter leikprega køyring, seier seksjonsleiar i Statens naturoppsyn, Kari Kveseth, til Nationen.
Adresseavisen skreiv for nokre dagar sidan om at Statens naturoppsyn (SNO) aldri har aldri fått så mange tips om villmannskøyring på snøskuter i Trøndelag som no. Kveseth seier at situasjonen er den same i resten av landet som i Trøndelag.
Artikkelen held fram under annonsen.
– Det er vanskeleg å seie noko eintydig om i kva grad volumet av slik køyring aukar, men vi konstaterer at det går føre seg i eit betydeleg omfang, seier Kveseth til Nationen.
SNO samarbeider tett med politiet både om førebyggande aktivitet gjennom informasjon og rettleiing om regelverk, og med kontrollar der risikoen for ulovleg køyring er størst, opplyser Kveseth.
