Lena Linga Berge nytta det offentlege rom til å slå eit slag for miljøet og for plassen i klesskapet.

– Mange er positive

Brukte klede er i vinden som aldri før. Ei som nytta på og rydda i klesskapet, er Lena Linga Berge frå Øystese.

Publisert Sist oppdatert

Torsdag sette Berge, saman med veninna Herborg Buttingsrud Madsen, opp telt utanfor Tunet i Øystese.

– Det byrja å bli fullt i skap heime, seier Berge.

I nokre timar hadde Miljøbutikken Plant Eit Tre i Øystese ein viss konkurranse.

Mange bygdefolk som tok turen innom den provisoriske klesbutikken. Dei fleste som passerte, stakk nasen innom.

– Det er stor interesse, og mange er positive til tiltaket, seier Berge.

Dei som såg etter nips, vart skuffa. Berre klede vart falbodne.

Også Marit Buttingsrud hadde funne nokre gamle klede i skapet. Ho vonar bruktsal av klede kan få meir faste former. Ho peikar på at til dømes Mathuset kunne ha hyst eit årleg bruktsal.

– Bruktbutikkane gjer det bra, så det syner at brukt er i vinden, seier Buttingsrud.

økonomi nyhende fritid øystese varehandel
Laga med Labrador CMS