– Mange drikk for mykje
Innbyggjarane i Kvam herad meiner at mange kvemmingar drikk for mykje alkohol når dei er saman med born.
Publisert
Det opplyser organisasjonen Av-og-til i ei pressemelding. Organisasjonen har intervjua 125 kvemmingar. 56 prosent svara «ja» på spørsmålet om dei tykkjer det blir drukke for mykje alkohol når det er born til stades. 18 prosent svara «nei» og 26 prosent svara «veit ikkje».
Kvam herad samarbeider med Av-og-til. Utekontakt Siriann Lillevik ber foreldre om å avgrensa alkoholinntaket i ferien.
Annonse
– Sommarferien er ein lang pause frå kvardagspliktene. For mange blir terskelen lågare for å ta seg nokre glas, også når det er born til stades. Det er viktig at foreldra er bevisste på dette og avgrensar inntaket når dei er saman med borna, seier ho i pressemeldinga.
