Mange bussar og ferjer manglar smittesporingslister
Kollektivtransporten i Noreg har ikkje krav til smittesporingslister. Det er eit hol i systemet, ifølgje FHI.
– Det at det ikkje finst noka passasjerliste har gitt store utfordringar for oss, seier Hammerfest-ordførar Marianne Sivertsen Næss (Ap) til NRK.
Kommunen opplevde eit stort smitteutbrot i haust. No står dei midt i ein uoversiktleg smittesituasjon etter at ein koronasmitta person var passasjer på to ulike hurtigbåtar sist fredag.
Artikkelen held fram under annonsen.
Fagdirektør i Folkehelseinstituttet, Frode Forland, vedgår at han ikkje var klar over denne svakheita i systemet.
– Det er nokre hol i dette systemet og eg ser absolutt problemet, utan at eg har løysingar på det no. Dette er noko vi får drøfte vidare med Helsedirektoratet og kanskje få det nasjonale smittesporingsteamet vårt til å sjå på, seier Forland til rikskringkastaren.
