Må leita meir etter plass til p-plass

Tiltaket er nemleg rekna som eit byggverk og såleis søknadspliktig. Ifylgje ansvarleg søkjar Byggprosjekt AS skal stien i hovudsak fylgja dagens tursti frå Fjordavegen til fjelltoppen. Tiltaket føreset dispensasjon frå kommuneplanen for Jondal kommune.

Planen var å etablera parkeringsplass og ny avkøyrsle i nærleiken av stien, men dette er skrinlagd. Arbeidsgruppa «oppfatta opphavleg slik at man hadde ein intensjonsavtale med grunneigar for etablering var ikkje av same oppfatning, heiter det i saksdokumenta. Det viser seg at grunneigaren, slik idrettslaget forstår det, motset seg plasseringa av parkeringsplassen. Idrettslaget vil sjå etter alternative lokaliseringar.

I merknaden til nabovarselet etterlyser grunneigaren dialog med arbeidsgruppa i idrettslaget som arbeider med tiltaket. Ein del vilkår og storleiken på arealet til tiltaket er ikkje avklara, og grunneigaren spør i merknaden om nokon kan setja i gang tiltak utan avtale med grunneigaren.

Ettersom stien vil liggja i eit skredfarleg område, meiner kommunen at krav til skredsikring gjeld. Byggprosjekt meiner skredfaren må kartleggjast av eit kompetent føretak før stien vert bygd. Ettersom kartlegginga vil vera kostesam og utfallet av dispensasjonssøknaden usikkert, ber føretaket kommunen om i det minste å gjera vedtak om dispensasjon på vilkår av at tilstrekkeleg tryggleik vert dokumentert.

– Tiltakshavar er kjend med at det er ein viss risiko for at kartlegging av skredfare kan medføra krav til sikringstiltak som ikkje lèt seg gjennomføra av økonomiske årsaker. Samstundes er etablering av sherpasti eit tryggleikstiltak i seg sjølv ved at eksisterande sti vert utbetra og gjord tryggare å ferdast på, skriv Byggprosjekt.

Søknaden rommar berre illustrasjonsbilete av trapper og stiar bygde andre stader. Byggprosjekt ser ikkje trong for omfattande teikningar, sidan stien skal fylgja den gamle stien.