– Må ikkje blokkera for bru
Kraftlina mellom Jondal og Kvam må ikkje øydeleggja for ei ny bru.
Det skriv Trygve Vikane i eit høyringsinnspel om den melde oppgraderinga av kraftlina mellom Sauda og Øygarden frå 300 til 420 kilovolt.
Han meiner Noregs vassdrags- og energidirektorat må ha dialog med Statens vegvesen for å sikra at fråstanden frå til dømes brutårn til den næraste kraftlina vert stor nok. Vikane ser føre seg at dagens master kan verta flytta noko mot nord, og at dei då kan verta parallelle med ei framtidig bru.
Artikkelen held fram under annonsen.
– Dette er den føretrekte løysinga for oss som bur på Belsnes med omsyn til vindstøy og utsyn. Eg ser inga fornuft i å nytta den same traseen, skriv Vikane i innspelet.
