Må i retten etter trafikkulukke
Ein mann frå Kvam avviste eit førelegg knytt til ei trafikkulukke i fjor haust. No lyt han møta i Hordaland tingrett.
Publisert
Sist oppdatert
Ulukka fann stad i Arnavegen i Bergen. Ifylgje førelegget var ikkje mannen tilstrekkeleg aktsam då han køyrde personbilen sin nordover. Då bilen framfor bremsa for å svinga av vegen, krasja han i bakenden på bilen. Samanstøyten førte til betydelege materielle skadar på begge bilane, og sjåføren i den andre bilen vart påført hovud- og ryggsmerter.
Påtalemakta meiner at mannen ikkje køyrde omsynsfullt og varsamt. Førelegget, som mannen ikkje har godteke, omfattar ei bot på 12.000 kroner, alternativt 12 dagar i fengsel. Førelegget inneber dessutan eit tap av førarretten i tre månader.
Annonse
Saka skal opp i Hordaland tingrett i byrjinga av februar.
