Må i fengsel for underslag
Mannen som var tiltala for underslag frå brukarar av kommunale tenester, er dømd til fengsel i 30 dagar.
Domen frå Hardanger tingrett er ikkje rettskraftig.
I tillegg må han betala dei fem råka brukarane nær 55.000 kroner i erstatning etter at han misbruka bankkorta deira ved å ta ut pengar til seg sjølv. På toppen må han dekkja sakskostnadene på 10.000 kroner.
Domen er monaleg mildare enn påstanden frå aktor, som var fire månader i fengsel. Retten meiner mannen ikkje hadde ei særleg fortrudd stilling, sjølv om han hadde enkel tilgang på pengane. Difor er underslaget simpelt, ikkje grovt, ifylgje domen.
Retten meiner det er formildande at mannen har tilstått ugjerningane og tilbode seg å betala alt tilbake. I skjerpande retning legg retten vekt på at mannen gjorde underslag i ein periode på ti månader, noko som vitnar om eit fast forsett.
Underslaga råka menneske som ikkje sjølve kunne oppdaga dei, understrekar retten.
Erstatningssummen er ikkje likelydande med kravet som vart fremja i retten. Aktor kunne ikkje prova alle dei påståtte underslaga, for nokre av dei fann stad når han ikkje var på arbeid.
