Lurar på Ungdomsheimen

– Forfallet på Ungdomsheimen går sin gang. Området ber sterkt preg av at ein må gå frå prat til handling.

Det skriv Frode Nyågrd (Frp) til ordførar Jostein Ljones (Sp). Nygård ynskjer at ordføraren orienterer formannskapet om saka onsdag. Han lurar på om tida er inne for at Kvam herad som tilsynsmakt vurderer sterkare verkemiddel for å få noko gjort.

I vinter rasa delar av taket på bygget saman, og slik ligg det enno. Tidlegare har byggjeplanar på tomta stoppa opp på grunn av krav i planar, og eigaren, Nistad gruppen AS, har så langt late forfallet gå sin gang.