Lukta stygt – evakuerte frisør

Kvam brann og redning rykte onsdag ettermiddag ut til Papiljotten Frisør i Norheimsund sentrum.

Årsaka var sterk svilukt i lokalet. Ho viste seg å stamma frå ei feilande kopling i ein tørketrommel. Trommelen vart boren ut. 

Brannmannskapet tok seg god til å kontrollera at det ikkje var ytterlegare brannfare i det elektriske anlegget, ikkje minst av di det var snakk om eit eldre trehus. Det fortel Svein Valland Laupsa i Kvam brann og redning til HF.

Dei som var i lokalet, vart evakuerte ei stund, men fekk koma inn att då brannfaren var over. Lena Olofsson, ei av dei tilsette, seier at det lukta vondt i lokalet, men at det heile elles gjekk greitt.

110 Vest melde om utrykkinga klokka 16.24.