Løyndomen bak billig hurtiglading
Det er viktig å ha eit medvite forhold til kostnadene for lading når ein er på langtur. Det er nemleg store prisforskjellar på hurtiglading.
– Billigaste ladeoperatør gir deg halv pris på ladinga samanlikna med den dyraste, seier Nils Sødal, senior kommunikasjonsrådgivar i NAF.
Ein kan spare ved å velje rimelegaste ladar og det er også pengar å spare ved å sjekke kvar ein kan få rabattordningar med abonnement eller liknande.
Artikkelen held fram under annonsen.
– Om ein vurderer eit abonnement er det viktig å rekne inn abonnementskostnaden og tenkje gjennom kor mykje ein hurtigladar gjennom eit år. Det er ikkje sikkert det lønner seg om ein hurtigladar elbilen lite, forklarer Sødal
E.on er den ladeoperatøren som kjem best ut prismessig. Til så lenge så har rett nok ikkje dei så mange ladestasjonar i Noreg.
Også Tesla og Ishavsvegen er rimelege. Ishavsvegen er ladenettverket i nord. Tesla-eigarar har det billigaste ladetilbodet, men prisane varierer mykje både gjennom døgnet og kvar i landet ladeplassen ligg.
(©NPK)
