Liv Signe Navarsete utnemnd til statsforvaltar i Vestland

Liv Signe Navarsete vart i statsråd fredag utnemnd til statsforvaltar i Vestland.

– Med Navarsete får vi ein erfaren og engasjert statsforvaltar med på laget, med brei innsikt i offentleg forvaltning og stor kjennskap til Vestland, seier kommunal- og distriktsminister Sigbjørn Gjelsvik (Sp).

Navarsete tiltrer 1. september. Embetet er ei åremålsstilling for ein periode på seks år.

Navarsete var partileiar for Senterpartiet frå 2008 til 2014. Ho har vore samferdselsminister og kommunal- og regionalminister i regjeringa Stoltenberg.

I dag har ho ulike styreverv og er utnemnd som medlem av Forsvarskommisjonen.

(©NPK)