Litt varmare og våtare enn i fjor
Oktober var varm i det meste av landet. Landstemperaturen var 1,7 grader over normalen.
Det kjem fram av den klimatologiske månadsoversikta frå Meteorologisk institutt. Det kom 20 prosent meir nedbør enn normalt på landsbasis.
I Kvam og Jondal var temperaturane litt høgare enn i fjor. Det kom meir nedbør enn i fjor, men under normalen.
Annonse
Sidan målingane vert registrerte frå klokka 07 ein morgon til klokka 07 dagen etter, vert nedbøren frå ekstremvêret registrert i november. Meteorologisk institutt opplyser at ein målestasjon på Voss hadde høgste todøgnsnedbør frå 31. oktober til 1. november med 263 millimeter. På Gullfjellet i Bergen vart det registrert 203,1 millimeter på 24 timar, frå klokka 01 den 31. oktober til klokka 01 den 1. november.
