– Lite synleg

Det kjem fram i ein e-post til Vestland fylkeskommune. Skiltet, som står ved avkøyrsla frå fylkesvegen, er fullt av grønske og lite synleg for publikum. At teksten på skiltet på motsett side av vegen er forkorta, er ikkje heldig, meiner fartøyvernsenteret.

Vona er å få setja opp eit brunt skilt som syner at fartøyvernsenteret er ein kulturdestinasjon. Dessutan er det ynskt fleire skilt langs vegen frå Bergen og Voss.

I svaret til Hardanger fartøyvernsenter viser fylkeskommunen til eit søknadsskjema som lyt fyllast ut, og skriv at det trengst meir informasjon og konkrete forslag for å vurdera endringar. Om fylkeskommunen meiner det er grunnlag for å endra skiltinga, vert det laga ein skiltplan, som Statens vegvesen lyt godkjenna.