Lindskog-Lund er klar for ein ny periode
Ullensvang Sp er ikkje i mål med nominasjonsprosessen. Det som er klart, er at Lajla-Margrethe Lindskog-Lund (Sp) står til disposisjon.
Ho var ordførarkandidat i kommunevalet i 2019, men måtta finna seg i at Roald Aga Haug (Ap) bygde ein fleirtalskoalisjon og vart den fyrste ordføraren i den nye kommunen.
Lindskog-Lund har likevel markert seg som opposisjonspolitikar, noko som seinast i budsjettdebatten 21. desember førte til konfrontasjonar med særleg Gard Folkvord (Ap).
Annonse
Sigrid Brattabø Handegard, som sjølv allereie er nominert som 3.-kandidat i Vestland Sp i fylkestingsvalet, er leiar i den lokale nominasjonsnemnda. Ho opplyser at lokallaget tek seg den tida som krevst for å få på plass ei god liste.
Vona er å ha liste med både røynde og nye kandidatar frå heile kommunen klar til utgangen av februar.
