Rådmann Anita Hesthamar, her med ordførar Torgeir Næss (Ap) og administrativ rådgjevar Kari Weltzien Vik (t.h.), er i gang med å sjå etter nye leverandørar av datasystem for avvikling av politiske møte.
Sigbjørn Linga
Leitar etter ny leverandør
Det var i eit skriftleg spørsmål i heradsstyremøtet fredag 7. februar Helland tok opp funksjonalitetane i den politiske møteportalen.
Særleg etterlyser han høvet til å visa fram alternative framlegg for andre enn dei folkevalde sjølve. I dag vert slike framlegg utelukkande lesne opp, sidan ålmenta ikkje har tilgang til møteportalen.
Dei vert heller ikkje viste på skjermen i rommet eller i den kommunale fjernsynssendinga, så sant ikkje partia sjølve har inkludert dei i ei eller anna form for EDB-presentasjon. I svaret til Helland påpeikar rådmann Anita Hesthamar at framlegga i tillegg er å finna i møteprotokollane så snart dei er godkjende og publiserte.
