Ladepunkt for elbilar ved ØMV
Kvam Energi Nett AS skal setja opp eit såkalla Recharge-ladepunkt for elbilar hjå Øystese Mek. Verkstad sin Esso-stasjon.
Publisert
Sist oppdatert
I den samanheng skal det etablerast ein ny nettstasjon. Ein høgspentkabel går forbi området. Bakgrunnen for tiltaket er at den ynskte effekten til lading er så stor at det ikkje kan løysast utan ein eigen nettstasjon.
Anlegget skal etablerast på gard nummer 42/186, ut mot rundkøyringa. Området er asfaltert parkeringsareal i dag, og føremålet vil verta som det er i dag, men då for lading av elbilar.
Annonse
Tiltaket er avtala med dagleg leiar Leif Gjerde, som har avtale med Kvam herad om å kjøpa den nemnde tomta.
Eit vilkår i områdekonsesjonen er at planane skal leggjast fram for heradet, Statsforvaltaren, grunneigarar, rettshavarar og andre råka partar.
Arbeidet er planlagt å starta i veke 35–36.
