Aksjonsleiar og ordførar Torgeir Næss kan konstatera at det ikkje førte til stor nedgang – heller tvert om – å droppa dei fysiske bøssene i innsamlinga.

Kvemmingane sette ny rekord

Torsdag føremiddag var det i Kvam samla inn i alt 543.664 kroner til Redd Barna sin tv-aksjon.

Håkon Norheim
Journalist
Publisert

Det er ny rekord, og plasserer heradet på 29.-plass av 43 kommunar i Vestland fylke, ifylgje giverstafett.no. I landet ligg Kvam på 138.-plass av 357 kommunar.

Det gjennomsnittlege bidraget frå kvar av dei 8.531 innbyggjarane i heradet er 63,73 kroner. Det er 13,77 kroner over landsgjennomsnittet på 49,96 kroner. Kvam herad si digitale bøsse samla inn 55.355 kroner.

Tidlegare i veka var det noko uklart om denne summen var rekna med i totalsummen eller ikkje. Det viste seg etter litt om og men at han ikkje var det, opplyser ordførar Torgeir Næss (Ap).

I Ullensvang kommune er det så langt samla inn 765.744 kroner. Det tyder at kommunen ligg på 24.-plass i Vestland og på 117.-plass i landet.

Dei 11.148 innbyggjarane gav i snitt 68,69 kroner. Det er 18,73 kroner over landsgjennomsnittet.

ullensvang nyhende kvam bistand politikk
Laga med Labrador CMS