Kvemming dekkjer Hardanger

Hardanger-korrespondent Tale Hauso i NRK skal ha morspermisjon. No har ein kvemming fått i oppdrag å fylla rolla hennar. Det 11 månader lange vikariatet tilfall nemleg Lidvard Sandven frå Norheimsund.

Sandven har den siste tida vore vikar i NRK Vestland, etter at han var praktikant i det 33. kullet ved Nynorsk mediesenter i Førde fram til mars. Hauso var sjølv i si tid praktikant i kull nummer 19. Statskanalen har fleire andre ekspraktikantar i drift.

— Det er kjekt å sjå at ikkje alle journalistar må arbeida i byar for å realisera draumen om å vera journalist. Ved lokalkontora kjem du verkeleg nær både kjeldene og det som hender, og det krev sjølvstendige journalistar med integriteten i orden, seier Magni Øvrebotten til Nynorsk mediesenter.