Kvam herad tente 280 kroner på sykkelutleige

Arne-Kristian Glück-Teigland i Øystese har sagt opp avtalen om sykkelutleige for heradet. Han oppmodar om at ein fast overnattingsstad får tilbodet om å kna tilbodet inn i marknaden.Jon Nedkvitne, sjef for samfunn, næring og kultur i Kvam herad, seier det ikkje er avgjort kva dei skal gjera med tilbodet neste år. – Me ynskjer sjølvsagt at sykkelutleiga skal halda fram, slik at dette vert eit godt og attraktivt tilbod. På lang sikt trur me at det er trong for eit slikt tilbod, skriv Nedkvitne.

Vil suga til seg røynsler

Heradet vil snakka med dei som har hatt ansvaret i år, og ta med seg deira erfaringar. Ikkje minst vil ein vita kva som kan gjerast betre for at fleire kan nytta tilbodet. Glück-Teigland opplyser at 14 syklar av typen Merida Keystone Hybrid vart kjøpte inn, sju herresyklar og sju damesyklar. Han ventar no på dei siste tala frå Hardanger feriesenter som overtok ein god del av syklane til utleige seint i juli. Glück-Teigland seier det var eit feilgrep å plassera utleiga på turistinformasjonen i Steinsdalen, noko som gav svært dårlege tal. I alt vart det notert 15 utleigedøger og 1.400 kroner i inntekt.– Det vart teke grep, og syklane vart utleigde via feriesenteret i slutten av sesongen, skriv han.• Les også: Utstyr og tenester for 170.000 kroner