Kvam herad tek kostnaden med reguleringsendring

Rådmann Anita Hesthamar seier arbeidet, utført av ABO plan & arkitektur AS, truleg vil kosta kring 90.000 kroner.Årsaka til at det offentlege tek på seg heile kostnaden, er ifølgje rådmannen at reguleringsendringane er utløyste av den kommunale utfyllinga i strandsona framfor badeanlegget og hotellet. Pengane vert henta frå prosjektpotten som er løyvd til fyllinga, som framleis vil halda seg innanfor kostnadsramma, fortel Hesthamar.Fylkesmannen og fylkeskommunen har i høyringsrunden hevda at endringane av reguleringsplanen samla kanskje burde vore handsama som ei ordinær endring av planen. Rådmannen er usamd. Ho legg saka fram for planutvalet tysdag som ei såkalla mindre endring av planen. Etter hennar syn bryt ikkje endringane med intensjonen i planen. Hesthamar seier vona er å unngå kostbare dispensasjonssøknader seinare.Mellom endringane er ei utviding av småbåtanleggarealet frå 2,4 til 3,8 mål, at båtanlegget kan nyttast av sightseeingbåtar knytte til laksevisingsanlegget, krav om ti sykkelparkeringsplassar, ny byggjehøgd for hotellet, bygging i tre i staden for to etasjar i Hardangerbadet, høgare utnyttingsgrad, nye gangvegar og fleire justeringar av grenser for arealføremål.