– Kva skjer med fjordplan?
Rådmennene skal ta tak i arbeidet med ein regional plan for forvalting av Hardangerfjorden.
Publisert
Det opplyste rådmann Anita Hesthamar heradsstyret i Kvam om 1. februar. Odd Valland Bovim (MDG) tok opp saka og etterlyste status og framdrift i saka.
Hardangerrådet vedtok i januar å utarbeida ein plan som ikkje er juridisk bindande. Saka vart send over til det såkalla rådmannsforumet, som det har vore lite aktivitet dei siste åra.
Annonse
Ifylgje Hesthamar har den nye leiaren i rådmannsforum varsla eit møte for å drøfta saka, men vidare framdrift er ikkje avklara.
Bovim meiner det er ei utfordring at fjorden ligg mellom fleire kommunar, og at ansvaret deira bør avklarast best mogeleg. han reknar med at planutvalet og heradsstyret vert halde løpande orienterte om saka.
