Kraftig regn i vente

Måndag og tysdag er det venta svært mykje regn i delar av Vestland.

Noregs vassdrags- og energidirektorat har sendt ut varsel på oransje nivå om fare for flaum og jordskred i austlege delar av fylket. Varselet gjeld frå måndag morgon til tysdag kveld.

I Kvam og Jondal er det varsla på gult nivå, som inneber at det er venta mellom 40 og 60 millimeter regn på eitt døger. Uvêret er del av ekstremvêret «Hans», som kjem austfrå.

Kommunane er bedne om å melda frå til Statsforvaltaren om situasjonar og åtgjerder som oppstår som fylgje av regnet.