Kraftig oppgang for turisthyttene i sommar

I alt 123.000 besøk vart registrerte på dei norske turisthyttene i sommarmånadene, ein auke på 23 prosent frå i fjor.

Den Norske Turistforening (DNT) har rundt 600 hytter. Sommaren 2024 har slått besøkstalet i fjor grundig, med eit besøk 23 prosent høgare enn året før.

Ifølgje DNT har dei ikkje hatt så høge besøkstal sidan 2019, skriv NRK.

– Delingsøkonomihyttene våre gjer det mogleg å få fantastiske naturopplevingar, utan at du treng å eige ei privat hytte eller bruke veldig mykje pengar. Det er jo den store motivasjonen vår, seier generalsekretær Dag Terje Klarp Solvang.

Mesteparten av arbeidet med å halde stiar og hytter ved like blir basert på frivilligheit. Også dugnadene er det populært å vere med på.

– Vi har ventelister for å bli med på dugnader. Både på ruter og hytter, seier Per Gunnar Østerås, ruteansvarleg Trondhjems turistforening til NRK.

(©NPK)