Kosmopolitt til Øystese
Tomm Kristiansen var Afrika-korrespondent for NRK gjennom tre tiår. Måndag 15. november kjem han til Kabuso og held føredrag om Det gode Afrika.
Publisert
Det opplyser Helge Karlsøen i Kvam Senioruniversitet i ei pressemelding.
Mange vil hugsa reportasjane og historiene til den tidlegare NRK-medarbeidaren frå det store kontinentet. Kristiansen har vore omtala som stemma frå Afrika, men har hatt ei rekkje andre stillingar i NRK.
Annonse
I perioden 2006—2008 var han kommunikasjonsrådgjevar for president Salva Kiir i Sør-Sudan. Dei to åra etterpå var Kristiansen kommunikasjonsleiar for den internasjonale humanitære alliansen ACT Alliance ved Kyrkjenes Verdsråd i Genève.
Kristiansen har òg skrive fleire bøker, mellom andre Mor Afrika. Som pensjonist bur han delvis i Oslo, men han har framleis ei sterk tilknyting til Afrika.
