– Kommunestyra må ikkje søle bort koronakompensasjonen
Norsk kommunalteknisk foreining (NKF) fryktar at politikarane skal bruke dei 7,3 milliardar kronene i ekstraløyvingar til kommunane, på feil måte.
I revidert nasjonalbudsjett er det eit forslag om ei ekstraløyving på 7,3 milliardar kroner til kommunane i koronakompensasjon.
– Det er bra at kommunane får kompensert for ekstraordinære koronakostnader. NKF ser behov for å oppmode kommunestyra til å skjerme grunnmuren i velferdssamfunnet. Det er framleis behov for pengar til å sikre forsvarleg drift og vedlikehald av kommunale bygg, vegar og annan infrastruktur, seier Rune Aale-Hansen, administrerande direktør i NKF.
Artikkelen held fram under annonsen.
Han viser til at ein del av pengane er øyremerkte til karantenehotell og kollektivtrafikk, men at mykje også er foreslått som innbyggjartilskot og skjønnsmidlar.
Aale-Hansen er uroa for at kommunestyra skal prioritere bort eit meir målretta samarbeid om klima og digitalisering i kommunalteknisk sektor.
