Kommune må truleg kutte i tilbod etter frådrag i kraftinntekter
Stortinget kuttar i tilskotet til kraftkommunar. Ordføraren i ein av Sørlandets største kraftkommunar kallar kuttet urimeleg.
Kvinesdal er ein av Sørlandets største kraftkommunar. Dermed blir dei hardt ramma når stortinget no har vedteke å kutte i tilskotet kommunane får. I 2023 vil dei kommunale kraftinntektene reduserast med 70 millionar kroner, skriv NRK.
Kvinesdal hadde budsjettert med eit trekk i planane sine for neste år. Men no blir Kvinesdal nesten trekt 70 millionar kroner, fordi kommunen har ekstra store inntekter frå sal av konsesjonskraft.
Artikkelen held fram under annonsen.
Ordførar Per Sverre Kvinlaug (KrF) i Kvinesdal kallar kuttet urimeleg.
– Vi avstår naturverdiar, og vi skal ha til gjengjeld nokon kompensasjon for det, sånn som konsesjonskrafta representerer. At staten no tek så stor del av Kvinesdals inntekter på dette, det synest eg er urimeleg, seier Kvinlaug til NRK.
Også Agder fylkeskommune blir hardt ramma. For fylkeskommunen blir tilskotet redusert med heile 324 millionar kroner.
No må kommunen vurdere prioriteringane sine.
– Vi har lagt inn mykje på infrastruktur, industriveg og vegar. Vi veit ikkje kvar vi skal ta det frå. Vi må først få ei sak på dette i januar og februar, seier fylkesordfører i Agder, Arne Thomassen (H).
(©NPK)
