Kollisjon ved Gravdal
To personbilar frontkolliderte heilt sør i Kvam fredag kveld.
Berre førarane var involverte i ulukka, som hende i den ulukkesutsette svingen i Gravdal. Dei er vakne og medvitne etter hendinga, ifylgje politiet. Kollisjonsputene vart utløyste i samanstøyten.
Politistasjonssjef Terje Sperrevik opplyser at bilen som kom frå Kvinnherad, mista veggrepet i svingen og kom over i motsett i køyrefelt.
Artikkelen held fram under annonsen.
Meldinga om ulukka kom klokka 19.20. Naudetatane rykte ut, melde Vest politidistrikt klokka 19.28. Den eine bilen stod då i vegkanten. Det var glatt på staden.
Politiet melde fyrst at ulukka hende i Kvinnherad, men det var feil.
