Knapp auke, men éin månad slo alle rekordar

Ifølgje tal frå Staten vegvesen hadde Jondalstunnelen nok eit år med trafikkvekst. Ser ein på snitt per døgn for heile fjoråret, auka trafikken med 27 køyretøy samanlikna med året før. Altså ikkje den store auken, men rekord er rekord.

9 av dei 12 månadene baud på ein auke frå året før, og tala viser at september var månaden med størst vekst. Då køyrde i snitt 78 fleire køyretøy samanlikna med same periode året før.

Juli var den travlaste månaden, med totalt 1.692 køyretøy. Det er 60 fleire enn rekorden frå 2023.

August var månaden med størst nedgang. 117 færre køyretøy vart loggførte i 2024 enn året før.

Jondalstunnelen opna 7. september 2012, og vart gratis 8. juli 2020. Årsdøgertrafikken har auka frå 369 i 2013 til 913 i 2024.