Michael Iversen i Kvam Ap er mellom dei nominerte på Ap si liste til stortingsvalet i 2025.

Kjenningar på Ap-lista

To lokalpolitikarar frå Hardanger er oppførte i det andre framlegget til valliste for Hordaland Ap i stortingsvalet i 2025.

Ragnhild Økland Børven
Publisert

Det går fram av ei pressemelding frå Arbeidernes ungdomsfylking (AUF).

Ein av hardingane er Michael Iversen i Kvam Ap. Iversen er ført opp på 20.-plass av 22 nominerte. Ordførar Roald Aga Haug i Ullensvang kommune er på 10.-plass. Plasseringane har ikkje endra seg sidan det fyrste framlegget frå nominasjonsnemnda kom tidlegare i haust.

Ikkje overraskande er det kultur- og likestillingsminister Lubna Jaffery som toppar nominasjonslista. På 2.-plass er bergensaren Rune Bakervik oppført, og på 3.-plass står Ruth Linda Merethe Monsen Merkesdal frå Voss.

Stortingskandidatane skal veljast av eit nominasjonsmøte i Bergen 30. november.

Kultur- og likestillingsminister Lubna Jaffery var på vitjing då Kvam Ap heldt årsmøte i januar. Jaffery toppar nominasjonslista til Hordaland Ap.
ullensvang politikk nyhende kvam val auf politiske parti
Laga med Labrador CMS