Kinosal får millionstønad
Kinosalen i den nye vidaregåande skulen i Kvam kjem best ut or den siste tildelinga frå Sparebankstiftinga Hardanger.
Publisert
Sist oppdatert
Det går fram av ei pressemelding frå dagleg leiar Gunnar Skeie måndag. Kinosalen er tilgodesett med éin million kroner i denne runden, om omfattar tildelingar på i alt nær 7,2 millionar kroner.
Stavali turisthytte, idrettshus på Voss og opprusting av Hauso samfunnshus er kvar løyvde ein halv million kroner.
Annonse
Det kom 97 søknader om i alt om lag 27 millionar kroner. 41 av søknadene resulterer i utbetaling. Dermed får om lag 42 prosent av søkjarane tildelt om lag 27 prosent av den samla søknadssummen.
I 2022 vert det to nye tildelingsrundar, opplyser Skeie. I tillegg har stiftinga vedteke å lengja koronafondordninga. Det er sett av to millionar kroner til føremålet i år.
