Kiellandbu på topp 10-liste
Turisthytta Kiellandbu er den femte mest søkte i Noreg i år.
Den Norske Turistforening (DNT) har kartlagt kva brukarane av nettstaden ut.no har søkt mest på i turplanleggjaren for 2024. Lista er basert på sidevisingar i portalen til nettstaden.
I ei pressemelding skriv DNT at Kiellandbu i Hardanger er på 5.-plass. Turisthytta ligg i Bergsdalen, mellom Botnen og Hamlagrø. Hytta har fem sengeplassar og er open heile året.
Annonse
Øvst på lista tronar Flokehyttene i Sunnhordland. På lista over dei mest søkte turforslaga står Dronningstien i Hardanger øvst. Turen vart opna av dronninga i 2013, og går til 1.100 meters høgd i fjellet mellom Kinsarvik og Lofthus. På den same lista er 7-fjellsturen i Bergen på 9.-plass.
