– Kan vera ein glipp
Søknaden om løyve til ubetent alkoholsal i Herand vart ikkje politisk handsama.
Rådmannen har på eiga hand avslege søknaden frå Herand Handel AS.
Det hausta kritikk frå leiar Eivind Tokheim (V) i møtet i utval for samfunn, plan og næring 26. april. Han meiner saka burde ha vore politisk handsama. Tokheim viste dessutan til at andre kommunar opnar for sal utan betening.
Rådmann Ole-Jørgen Jondahl sa at det kan ha vore ein glipp at saka ikkje vart lagd fram for formannskapet.
Han viste til at administrasjonen har vore i kontakt med Helsedirektoratet for å sjekka om det er mogeleg å selja alkohol utan betening til stades.
– Svaret er krystallklart: Uavhengig av teknologi opnar ikkje lova for ubetent alkoholsak, sa han.
Rådmannen påpeika at søkjaren har klaga på vedtaket.
– Så får me sjå kva Statsforvaltaren kjem fram til, sa Jondahl.
Herand Landhandleri AS har i fleire år selt alkohol utan tilsette har vore til stades i butikken.
