Kan potensielt berga livet ditt

Då stiller nemleg ein ekspert frå Bergen sopp- og nyttevekstforening opp på Hardanger fartøyvernsenter i Norheimsund for å hjelpa folk med å skilja farleg frå ufarleg sopp. Det opplyser soppentusiast Håvard Gjerde, som både i denne rolla og som tilsett på senteret har vore sentral i arbeidet med å få soppkontrollen i stand. Også Naturvernforbundet er med som arrangør.

Kontrollen vert avslutninga på eit kurs i både korgfletting og soppsanking ved fartøyvernsenteret. Men i motsetnad til kurset vert soppkontrollen tilgjengeleg også for dei som ikkje er påmelde.

Gjerde er ikkje kjend med at det har vore tilbod om soppkontroll i Kvam før. Eit søk i HF-arkivet på ordet syner at det ser ut til å ha funne stad sist i 1995, då kontrollør Kari Elin Aksnes var klar for å sjekka soppar som del av eit såkalla kveldsjubelarrangement i Straumen senter.

Gjerde oppmodar folk om å ta med ferskast mogeleg sopp, helst plukka same dagen, til kontrollen. Ein del soppsortar tapar seg nemleg snøgt, særleg om dei ikkje vert lagra på forskriftsmessig vis. Då kan det vera for seint å artsbestemma dei, fortel han.

Gjerde, som sjølv har ein våt draum om å verta sertifisert soppkontrollør, rår folk til å halda soppane dei er utrygge på, skilde frå soppar dei veit kan etast. Sjølve kontakten mellom soppane er ikkje farleg, men det skal i somme artstilfelle berre ein ørliten bit til for å setja folk i monaleg helsefare.

Hans råd til dei som skal plukka sopp utan tilgang på soppkontrolltenester, er å berre sanka soppar dei er heilt sikre på. Som han sa i eit valkampintervju med HF i fjor (sjå under), finst fleire artar som er så like at det er snøgt gjort å ta feil. Det kan i verste fall kosta liv.

Les også: