– Kan kjøpa velkomstsenteret for åtte millionar

Les også:

Tok stilling til forhandlingar: – Kan ikkje setja oss i baksetet

Ullensvang kommune kan få kjøpa velkomstsenteret ved skisenteret på Folgefonna for åtte millionar kroner. Det opplyste ordførar Roald Aga Haug (Ap) formannskapet om fredag 25. april.

Ifylgje han gav han på vegner av kommunen eit tilbod om åtte millionar før påske for velkomstsenteret med tilhøyrande bygg. Det positive svaret frå konkursbuet, med Sparebanken Vest og Innovasjon Noreg som dei største kreditorane, skal ha kome torsdag.

Haug påpeika at det er kommunestyret som må vedta eit eventuelt kjøp, som del av ei sak frå rådmannen der både kjøpet og strategiar for bruk av eigedomen kjem fram. Kommunestyret gav førre månad ordføraren fullmakt til å tinga om kjøp av eigedomen.