Kan henta pakkar når som helst

Det opplyser Anca Nitter, distribusjonsleiar i Posten i Norheimsund, i ei pressemelding.

Ordninga er etablert utanfor Rema 1000 på Tolo. Ho kan forenkla livet til kundane, spesielt i ei travel førjulstid, meiner leiaren.

For å nytta tenesta, lastar ein ned Posten-appen og registrerer seg. Når ein skal henta ein pakke, opnar ein luka med ei blåtanntilkopling i appen. I tillegg til å henta pakkar kan ein senda returpakkar via pakkeboksen, opplyser Nitter.

Kundane skal ha gjeve tenesta ein karakter på 4,7 av 5, og ho er eit av dei mest føretrekte hentealternativa. Nitter oppmodar kundane om å ta i bruk Pakkeboks og henta pakkar så raskt som mogleg, spesielt no i juletida.

Pakkeboks er eit tiltak for å møta veksande kundeforventingar, pakkevolum og skjerpa konkurranse, skriv leiaren.