– Kan få tyngd utan vedtak
Samferdslepolitikarane ser lyst på det interkommunale rådet som skal sikra framdrift i vegprosjekta langs «armen» frå E134 til Bergen.
Gunnar Moland (H) frå Ullensvang synest det er ei god løysing med eit interkommunalt råd. Kommunane kan ha litt ulike interesser, så det kan vera lurt å samla seg, sa han då saka vart drøfta av hovudutval for samferdsle og mobilitet (SAMO) 15. januar.
– Eg har tru på at om utvalet spelar rolla si rett, kan det berre koma noko godt ut av det, sa han.
Moland slo fast at staten må på banen for å finansiera dei store vegprosjekta, som tunnelane mellom
Emil Tomasgard (Ap), også han frå Ullensvang, er samd i at løysinga er god. Samordning er viktig for å fremja dei viktige vegprosjekta, meiner han.
– Eg satsar på at det vert fullt trykk og at det vert eit godt organ som gjer ein god jobb, sa han.
Frode Nygård (Frp), som er varaordførar i Kvam og møtte som varamedlem i SAMO, framheva at sjølv om utvalet ikkje ligg an til å få makta til å gjera vedtak, vert to av tre forvaltingsnivå truleg representerte. Då bør utvalet ha ei visst tyngd, meiner han.
Fylkesutvalet avgjer saka 23. januar. Om utvalet er samd med hovudutvalet, vert dei råka kommunane inviterte til å delta i det nye rådet.
