Kald og tørr desember
Desember vart både tørrare og kaldare enn normalt.
Tal frå Meteorologisk institutt syner at temperaturen i Noreg var 3,2 grader under normalen i desember. Det gjer månaden til den kaldaste desembermånaden sidan 2012. Månaden er den 19. kaldaste i ein serie som går attende til år 1900. Desember 1915 er den kaldaste med 8 grader under normalen.
Det kom 20 prosent mindre nedbør enn normalt i Noreg i desember.
Målestasjonen ved skisenteret på Folgefonna synte ein middeltemperatur på minus 6,7 grader i desember. Det er 1,6 grader under normaltemperaturen. Nedbørsmengda vart ikkje målt på stasjonen, men i Øvre Krossdalen fall 280,5 millimeter nedbør. Det er 7 prosent meir normalt.
På Kvamsøy var middeltemperaturen 1,4 grader. Dette er éi grad lågare enn vanleg. Dei 203,7 millimetrane med nedbør, er 18 prosent under normalen.
På Jonshøgdi var middeltemperaturen minus 3,2 grader. Det er 1,9 grader kaldare enn normalt. Der fall det 299,7 millimeter nedbør, 18 prosent mindre enn vanleg.
