Juletrefest hjå Tolo omsorg
Gløgg, kaffi og kaker stod på menyen etter at juletreet hadde fått lys.
Sandven Vel har donert eit juletre til Tolo omsorg. Treet vart sett opp i «bakgarden» før helga, opplyser avdelingsleiar Linn Barane-Birkeland.
Ho opplyser at mange venta i spenning på lystenninga. Måndag var det juletrefest for bebuarar, pårørande og tilsette.
Annonse
Ifylgje Barane-Birkeland var det ein veldig hyggeleg kveld. No vonar ho born frå barnehagar og skular i nærleiken vil koma innom i desember, anten for å øva på julesongar eller for å hengja pynt på treet. Perler, laminerte teikningar eller restar av gamle prosjekt kan få nytt liv som juletrepynt på Tolo.
– For mange eldre er juletida ei tid med minne om det som ein gong var. For desse er det ekstra kjekt når det kjem born på besøk, skriv Barane-Birkeland i ein e-post til HF.
