Jon Fosse skal støtte opp om bøker – saman med Ibsen og Undset
Jon Fosse slår følgje med Henrik Ibsen og Sigrid Undset og blir bokstøtte i ein svensk serie laga for å halde orden på boksamlingane.
Ein serie bokstøtter i stål, pryda med portrett av forfattarar, har halde orden på svenske boksamlingar i snart 25 år. Når dei no blir dei lanserte her til lands, rykkjer Fosse og Undset inn – som nye norske innslag.
Så langt har berre Ibsen representert Noreg. Andre forfattarar som støttar opp om bøker på denne måten, er Virginia Woolf, Jane Austen, Fjodor Dostojevskij, Franz Kafka, Astrid Lindgren, Karen Blixen og William Shakespeare.
Artikkelen held fram under annonsen.
Ein svensk industridesignar, Jan Landquist, har forma ut bokstøttene, som blir laga i stål i Sverige for det svenske forlaget Novellix. Dei er allereie eksporterte til Danmark, Tyskland og Frankrike, og no har eit norsk forlag fått dei til Noreg.
– Eit stykke litterært designarbeid som kan løfte litteraturen i heimen, seier forlagssjef og Novellix-gründer Lena Hammargren om bokstøttene ho står bak.
Fosse har ikkje uttalt seg, men stiller opp på bilete saman med seg sjølv og Sigrid Undset i bokstøtteformat.
(©NPK)
