Jegerforbundet ber folk melde frå om sjuke eller døde fuglar i naturen
Norges Jeger- og Fiskerforbund oppmodar friluftsfolk, jegerar og jakthundeigarar til å varsle om sjuke eller døde dyr i naturen etter utbrot av fugleinfluensa.
– Vi er førstelinja ute i naturen, og kan raskt rapportere mistenkjelege funn av sjuke eller døde fuglar og dyr, seier jakthund- og viltkonsulent i NJFF, Olav Greivstad, til Nationen.
Fugleinfluensa har ei stund vorte påvist langs kysten av Noreg. Nyleg melde Mattilsynet at sjukdommen for første gong er påvist hos to raudrevar.
Artikkelen held fram under annonsen.
– No er det viktig at vi alle bidreg til å få oversikt over spreiinga. Vi som er jegerar og hundeeigarar er særleg viktige i denne samanhengen, seier Greivstad.
Det er allereie påvist sporadisk smitte hos andre dyreartar i Europa, mellom anna ilder, oter, grevling, gaupe, steinkobbe og havert.
(©NPK)
