Iskald tradisjon
Torvald ville ha far uti. Og far lydde.
Sverre Soldal tok sats og stupte i sjøen på sjølvaste nyårsaftan. Det gjorde han på kommando frå sonen Torvald.
Sverre var del av den vesle gruppa som stilte opp til det etter kvart tradisjonsrike og ikkje minst iskalde nyttårsbadet på stranda i Norheimsund.
Bak badeinitiativet står Elise Thunes Jensen, som overtok «drifta» frå ektemannen Stefan etter at han døydde i 2017. Han var mannen som gjorde det til ein tradisjon å bada på årets siste dag. Saman med Beate Gauden har Elise stått for organiseringa dei siste åra.
Også nokre langsvegsfarande var mellom dei badande i år. Emil og Frida Næss-Markhus frå Risør stilte opp, saman med pappa Knut, utan at dei var fullt klar over at det var ei organisert ramme rundt det heile.
Nærare bestemt vart det servert kaffi, saft og peparkaker, i tillegg til at det vart trekt vinnarar av fleire premiar.
Har du foto frå nyårsbad eller andre former for feiring? Send dei gjerne til oss, i full storleik til adressa redaksjon@hf.no.
Her kan du sjå fleire markera nyttår på kjølig vis:
