Sigrid Oline Kaldestad viste medelevane at lam og kos høyrer saman.

Inviterte til gardsbesøk

Sigrid Oline (7) og foreldra inviterte klassetrinnet til gardsbesøk fredag føremiddag.

Ragnhild Økland Børven
Publisert Sist oppdatert

Borna, som går i 2. klasse på Norheimsund skule, fekk dei beste rammene for ein kjekk føremiddag på tunet på Kaldestad. I strålande solskin fekk elevane helsa på sju alelam som hadde teke turen ut for fyrste gong.

Lamma var kring tre veker gamle, og det var ei stolt gardsjente som fekk vist korleis ting skulle gjerast. Både mating og kos stod på planen.

Det same gjorde andre uteaktivitetar. Nokre hoppa på trampoline, medan andre hadde dragkamp, kasta ball på boks eller spela kubb. Eit par jenter fann fram farga kritt og teikna på asfalten.

Linn Therese og Rudi Kaldestad tykte det var moro at klassetrinnet ville koma på vitjing.

Foreldra til Sigrid Oline, Linn Therese og Rudi Kaldestad, tok over garden på Kaldestad ved nyttår. Dette var det fyrste gardsbesøket, og vonleg ikkje det siste. Linn Therese ber på ein draum om å gjera garden, som ligg ein kort gåtur frå skule og barnehage, til ein «Inn på tunet»-gard på sikt.

Sjå fleire bilete frå gardsbesøket her:

På garden er det 34 vinterfôra sauer. Med årets lam tel flokken 85.
Erik og Bitania fekk begge prøva å gje mjølk.
Sigrid Oline (til høgre) tykte det var kjekt å ha klassetrinnet på besøk, og viste stolt fram korleis ein skulle mata dei.
Her prøver Kelly å gje eit lam mat. Andrii står på sida.
Linn Therese Kaldestad (i rosa) håpar å kunna invitera fleire born og unge til gards etter kvart. Her prøver lærar Renate Valland Nordheim og Mathilde seg på mating.
Sigrid Oline viste også fram eit lam som berre var fire dagar gamalt til klassevenninnene sine.
I tillegg til sauer finn ein to kattar og ein hest på Kaldestad. Også katten fekk vist seg litt fram.
nyhende norheimsund natur og miljø plantar og dyr landbruk utdanning skular norheimsund skule
Laga med Labrador CMS