Inviterte til diskusjon
Kvam herad skal ha minst 12 friluftslivarrangement i år.
Det fortel leiar for samfunnsutvikling i heradet, Heidi Ørjansen.
Eit møte i Kvam rådhus onsdag kveld handla om å få til friluftslivsaktivitetar i Kvam herad i høve friluftslivsåret 2025. Ørjansen fortel at seks lag og foreiningar deltok.
Artikkelen held fram under annonsen.
I tillegg kom ein representant frå Bergen og omland friluftsråd som informerte om høvet til å søkja om stønad til ulike arrangement.
Ørjansen fortel at det vart utarbeidd ei liste med aktivitetar på møtet. Kvam herad kjem til å senda ein søknad til Bergen og omland friluftsråd for å få pengar til å gjennomføra aktivitetane, seier ho.
Det vil verta informert på heimesida til Kvam herad når aktivitetane er planlagde, opplyser Ørjansen.
