Inviterer til julekonsert i helga

— Endeleg kan me arrangera julekonsert igjen! skriv han på Facebook.

Det er fjerde gongen Gjerde arrangerer ein slik konsert. Det vert faktisk to konsertar; ein for dei ikkje så store og ein for vaksne litt seinare.

Medverkande er vokalistane Tuva Lutro og Lorena Fajardo; Andrew Murphy, sekkepipe; Sigbjørn Bull Holdhus Sjursen, bass; hardingfele- og toradarelevar frå Kvam kulturskule; Ingrid Standal Sørheim, toradar; Arngunn Timenes Bell, hardingfele; Vidar Berge, gitarar; Kvemmingen Spel- og dansarlag og felemakaren sjølv. Lutro frå Odda vann Norske Talenter på TV 2 i 2018.

Gjerde lovar å avgrensa publikumstalet i tråd med nasjonale retningsliner, slik at alle kan kjenna seg trygge.